Германскиот „Рајнметал“ и јужнокорејската компанија LIG Defense & Aerospace постигнаа договор за стратешко партнерство за заеднички развој и производство на современи системи за противвоздушна одбрана наменети за европскиот и НАТО-пазарот.
Предвидено е формирање заедничка компанија со мнозински удел на „Рајнметал“, а производството на јужнокорејските ракетни системи ќе биде локализирано во Европа.
Двете компании ќе развиваат и нови ракети и системи со краток дострел, со цел да се зајакнат европските одбранбени капацитети. Договорот доаѓа во период кога европските земји значително ги зголемуваат инвестициите во одбраната поради војната во Украина и растечките безбедносни предизвици.
