На 2 септември 1945 година, на американскиот воен брод „USS Missouri“ во Токискиот Залив, Јапонија официјално го потпиша актот за безусловна капитулација. Со овој чин формално заврши Втората светска војна.
Потпишувањето следеше неколку недели по фрлањето на атомските бомби врз Хирошима и Нагасаки и по влегувањето на Советскиот Сојуз во војната против Јапонија.
Датумот 2 септември останува запишан како денот кога и официјално беше ставен крај на најголемиот вооружен конфликт во дотогашната историја.
