На 1 ноември 1997 година, филмскиот спектакл „Титаник“ на режисерот Џејмс Камерон ја имаше својата светска премиера на Меѓународниот филмски фестивал во Токио, Јапонија.
Филмот, во кој главните улоги ги толкуваат Леонардо Дикаприо и Кејт Винслет, ја раскажува љубовната приказна на Џек и Роуз, поставена во рамките на трагичното патување на познатиот прекуокеански брод „Титаник“, кој потона во Атлантскиот Океан во април 1912 година.
Премиерата во Токио беше првото големо меѓународно претставување на филмот, пред неговото прикажување во американските кина на 19 декември 1997 година.
„Титаник“ подоцна прерасна во светски филмски феномен. На доделувањето на Оскарите на 23 март 1998 година освои дури 11 статуетки, вклучувајќи ги наградите за најдобар филм и најдобра режија.
Речиси три децении подоцна, остварувањето на Џејмс Камерон останува едно од најпрепознатливите филмски дела во историјата на светската кинематографија.
