На 26 август 1978 година, кардиналот Албино Лучани бил избран за поглавар на Католичката црква и го зел името Јован Павле Први. Неговиот избор дошол по конклавата одржана по смртта на папата Павле Шести.
Лучани бил познат по едноставниот и непосреден настап, а по изборот станал првиот папа кој избрал двојно име – Јован Павле, во чест на неговите претходници Јован XXIII и Павле VI.
Неговиот понтификат, сепак, траел исклучително кратко. Само 33 дена по изборот, на 28 септември 1978 година, Јован Павле Први починал. Поради краткиот мандат, 1978 година останала запаметена како година во која Католичката црква добила тројца папи.
