Нова инвестиција на компанијата „ВИК“ во Прилеп треба да донесе значително проширување на производството и отворање на околу 300 нови работни места.
Компанијата денеска го стави во употреба новиот производствен погон, со што дополнително ги зголемува своите капацитети во градот, каде што работи од 2018 година.
Инвестицијата е насочена и кон развој на циркуларната економија, преку поголем фокус на рециклирањето, повторната употреба на материјали и искористените производи.
Покрај зголемувањето на производството, проектот треба да придонесе и за создавање нови можности за вработување. За обезбедување соодветен стручен кадар, компанијата предвидува соработка со локалната самоуправа и образовните институции во Прилеп.
