Паркот на Франкофонија во Скопје од денеска повторно станува место за љубителите на уличната храна и добрата атмосфера. Во тек е второто издание на „Street Food Picnic“, кое ќе трае до 20 септември.
Посетителите во текот на трите фестивалски денови ќе можат да уживаат во разновидна понуда на храна, музичка програма и содржини наменети за различни генерации.
Организаторите најавуваат опуштена викенд атмосфера во еден од скопските паркови, со можност посетителите да поминат време со семејството и пријателите, а истовремено да пробаат различни специјалитети од понудата на учесниците.
„Street Food Picnic“ ќе се одржува до недела, 20 септември, во Паркот на Франкофонија.
