Повеќе домаќинства и деловни објекти во Скопје утре ќе имаат прекин во снабдувањето со електрична енергија. Од Електродистрибуција соопштуваат дека прекините се планирани поради работи на електричната мрежа.
Најдолг прекин е најавен во Гази Баба, каде дел од корисниците ќе бидат без електрична енергија во текот на целиот работен период.
Во општина Бутел, без струја ќе бидат корисниците на дел од улиците „Ѓорѓи Стојчевски“ и „Лазо Москов“, во периодот од 07:55 до 09:55 часот.
Во општина Гази Баба, прекин е планиран од 08:00 до 15:00 часот. Во овој период без напојување ќе останат корисниците на дел од улицата „Вила Анастасија“, како и бензинската пумпа „Лукоил Камник“, „МЗТ Агрома“, „Агросервис“, „Камник Винарија“, рестораните „Ла Тана“, техничкиот преглед „Цертус“ и околните куќи.
Во истиот термин, од 08:00 до 15:00 часот, прекин е најавен и кај хотелот „Камник“, бензинската пумпа „Лукоил“ на булеварот „Александар Македонски“ и објектите во близина на „Агросервис“.
Во општина Кисела Вода, дел од булеварот „Борис Трајковски“, во реонот околу ресторанот „Градина“ и компанијата „Кристина Дамил“, ќе биде без електрична енергија од 09:00 до 14:00 часот.
Од Електродистрибуција посочуваат дека станува збор за однапред планирани активности на мрежата и ги информираат корисниците во погодените подрачја навреме да ги имаат предвид најавените прекини.
