Најавените протести со блокада на граничните премини Деве Баир, Делчево и Ново Село нема да се одржат, откако бугарските власти оценија дека таквиот потег би бил контрапродуктивен и би создал дополнителни тензии.
Од фондацијата „Македонија“ соопштија дека одлуката за откажување е донесена по разговори со бугарското Министерство за надворешни работи и амбасадорот во Скопје.
Шефицата на бугарската дипломатија, Велислава Петрова-Чамова, порача дека блокадите не се во интерес на добрососедските односи, а амбасадорот Жељазко Радуков повика да не се попречува слободното движење меѓу двете земји.
Иницијативата за протестите следуваше по инцидентот во Скопје, во кој беа опожарени две возила што ги користела бугарската амбасада.
