Новата торба на Zara за многу кратко време привлече големо внимание на социјалните мрежи, особено на TikTok. Корисниците веднаш забележаа дека нејзиниот дизајн потсетува на еден од најпопуларните модели на познатиот француски бренд Polène.
Станува збор за голема shopper торба во сива нијанса, со едноставен, но елегантен изглед. На TikTok веќе се појавија бројни видеа во кои моделот на Zara се споредува со познатата Cyme торба на Polène.
Едно од видеата посветени на торбата собрало дури околу 1,9 милиони прегледи, што покажува колкав интерес предизвикал моделот.
Двете торби имаат слична широка форма, тенки рачки и странични делови кои се шират, што им дава препознатлива силуета.
ЦЕНАТА Е ОНА ШТО НАЈМНОГУ ПРИВЛЕКУВА ВНИМАНИЕ
Додека за оригиналниот дизајнерски модел треба да се издвојат стотици евра, верзијата од Zara е значително подостапна.
Торбата на Zara чини 35,95 евра, односно околу 2.200 денари, во зависност од курсот.
Моделот е доволно голем за секојдневна употреба, а има и магнетно затворање, две рачки за носење на рамо и внатрешен оддел со патент кој може да се отстранува.
Дизајнот е практичен, па торбата може да се користи за работа, шопинг, факултет или за секојдневни обврски.
ОРИГИНАЛОТ ЧИНИ 440 ЕВРА
Популарниот Cyme на Polène во моментов се продава за околу 440 евра, што е повеќе од 12 пати поскапо од моделот на Zara.
Разликата е и во материјалите. Polène користи текстурирана италијанска телешка кожа, додека моделот на Zara е изработен од полиуретан, со постава од рециклиран полиестер.
Иако не станува збор за идентични производи ниту за ист квалитет на материјалите, сличноста во изгледот е доволна за торбата на Zara да привлече внимание кај љубителите на модата.
За оние кои сакаат да го постигнат изгледот на популарната дизајнерска торба, но не сакаат да потрошат 440 евра, моделот на Zara се наметнува како значително поевтина алтернатива.
Со оглед на брзината со која се шири на TikTok, можно е овој модел наскоро да стане еден од најбараните производи на Zara.
