Американскиот државен секретар Марко Рубио и рускиот министер за надворешни работи Сергеј Лавров денеска ќе се сретнат во Њујорк, на маргините на Генералното собрание на Обединетите нации. Средбата е потврдена од американскиот Стејт департмент.
Разговорите доаѓаат во време на продолжени дипломатски напори на Вашингтон поврзани со војната во Украина. Рубио и Лавров во изминатиот период веќе имаа неколку средби во рамки на американските напори за постигнување решение.
Средбата во Њујорк следува по разговорот меѓу американскиот претседател Доналд Трамп и украинскиот претседател Володимир Зеленски во рамки на заседанието на ОН.
Рубио и Лавров последен пат се сретнаа во јули во Манила, на маргините на состанокот на АСЕАН. По тогашниот разговор, Рубио изјави дека САД остануваат подготвени да имаат конструктивна улога во напорите за ставање крај на војната во Украина.
Лавров во Њујорк пристигна за учество на 81. заседание на Генералното собрание на ОН, каде што се очекуваат разговори за повеќе меѓународни прашања, вклучително и војната во Украина.
