Дел од корисниците во Скопје утре ќе останат без електрична енергија поради планирани интервенции на електродистрибутивната мрежа. Прекините ќе ги опфатат општините Гази Баба и Ѓорче Петров, во различни временски интервали.
Од 8:00 до 11:00 часот без струја ќе бидат дел од корисниците на улиците „Цветан Димов“ и „Јајце“. Причината се планирани работи во трафостаницата „Гази Баба 8“, каде што ќе се вршат чистење, дополнување масло во кабелските глави и трансформаторот, како и проверка на расклопната опрема.
Во општина Ѓорче Петров, од 10:00 до 13:00 часот прекин во снабдувањето со електрична енергија ќе имаат корисниците на улица 37 во селото Волково.
Дополнителен прекин е предвиден од 11:30 до 14:30 часот, кога без струја ќе останат дел од корисниците на улиците „Коста Абрашевиќ“, „Дижонска“, „Клинска Леса“ и „Серава“.
Овој прекин е поврзан со планирани зафати во трафостаницата „Даме Груев 2“, каде што ќе се извршат чистење, проверка на расклопната опрема и дополнување масло во кабелските глави и трансформаторот.
Граѓаните од овие делови на Скопје треба навреме да ги приспособат своите обврски на најавените прекини во снабдувањето со електрична енергија.
