НА ДЕНЕШЕН ДЕН: „МИСТИК ПИЦА“ ЈА НАЈАВИ ИДНАТА ХОЛИВУДСКА ЅВЕЗДА ЏУЛИЈА РОБЕРТС

На 21 октомври 1988 година во американските кина започна прикажувањето на романтичната драма „Мистик пица“ (Mystic Pizza), во која играат Џулија Робертс, Анабет Гиш и Лили Тејлор. Филмот ја следи приказната за три млади девојки кои се соочуваат со љубовни предизвици, семејните очекувања и изборите што го одредуваат нивниот живот. Остварувањето е значајно и затоа што е дел од раната филмска кариера на Џулија Робертс, пред таа да стане една од најголемите холивудски ѕвезди.