Во охридското село Трпејца е пријавена кражба на икони од локален верски објект, по што полицијата започна истрага за откривање на сторителите.
Според првичните информации, непознати лица влегле во црквата и одзеле неколку икони со голема религиозна и културна вредност. Засега не е познато колку точно икони се украдени ниту нивната проценета вредност.
Полицијата извршила увид на местото на настанот и презема мерки за расчистување на случајот, како и за пронаоѓање на одземените предмети.
Случајот предизвика вознемиреност кај локалното население, кое бара зголемена заштита на верските објекти, особено во туристичките места како Трпејца.
Истрагата е во тек.
