На 23 октомври 1956 година, студентските протести во Будимпешта прераснале во масовно востание против комунистичката власт и советското влијание врз Унгарија.
Демонстрантите барале политички промени, поголеми слободи и повлекување на советските сили. Протестите брзо се прошириле, а во нив се приклучиле работници и други граѓани. Во наредните денови дошло до вооружени судири и обид за промена на политичкиот систем.
На 4 ноември советските сили започнале голема воена интервенција, со која востанието било задушено. Настаните од 1956 година остануваат еден од најзначајните симболи на отпорот против советската доминација во Источна Европа.
