Почетокот на учебната година за многу родители значи и купување нов мобилен телефон за нивното дете. Ако уредот треба да се користи секојдневно за повици, пораки, училишни обврски, фотографии, интернет и апликации, не е доволно да се гледа само цената или бројот на мегапиксели.
При изборот особено внимание треба да се посвети на батеријата, квалитетот на екранот, отпорноста, меморијата и камерата.
Телефонот за ученик треба да може да издржи цел ден без полнач, да биде доволно отпорен за секојдневно носење во ранец и да има доволно простор за фотографии, видеа и апликации.
Еден од примерите е Motorola Moto G77, кој има батерија од 5.200 mAh и поддржува 30-ватно брзо полнење. Производителот наведува автономија до 37 часа, зависно од начинот на користење.
Важен е и екранот. Моделот има 6,78-инчен AMOLED дисплеј со освежување до 120 Hz и наведена максимална осветленост до 5.000 нити во соодветни услови, што е особено корисно при користење на отворено. Екранот е заштитен со Corning Gorilla Glass 7i.
Отпорноста е уште една работа која родителите не треба да ја занемарат. Телефонот има IP64 заштита од прашина и прскање вода, но тоа не значи дека е наменет за потопување. Моделот е дизајниран да издржи падови од висина до 1,2 метри.
Меморијата исто така станува важна со текот на времето. Moto G77 доаѓа со 256 GB внатрешна меморија, 8 GB RAM и можност за проширување со microSD картичка до 2 TB. Уредот поддржува и 5G.
Камерата е важна за младите корисници, но мегапикселите не се единствениот критериум. Moto G77 има главна камера од 108 MP, ултраширока од 8 MP и предна камера од 32 MP. Може да снима видео во 2K резолуција, а камерата има и функции за скенирање документи и користење Google Lens.
Покрај техничките карактеристики, важно е родителите уште од почеток да постават правила за користење на телефонот. Времето поминато пред екран, апликациите што се инсталираат и начинот на користење на интернетот се дел од одговорното користење на првиот сериозен мобилен телефон.
Затоа, при купување не треба да се гледа само кој телефон има најдобра камера или најубав изглед. Добрата батерија, издржливоста, квалитетниот екран и доволната меморија можат да бидат многу поважни за ученик кој телефонот ќе го користи секој ден.
