15-годишната Харпер Бекам го привлече вниманието со својот избор на облека за фестивалот Ридинг, каде што заедно со семејството дошла да го поддржи својот брат Круз и неговиот бенд „The Breakers“.
Наместо вообичаениот женствен стил по кој е препознатлива, Харпер овојпат избрала поопуштена комбинација со рок и гранџ елементи. Таа носела кратки тексас панталони, црн топ, црни гумени чизми и предимензионирана парка во каки боја.
Нејзината комбинација дополнително привлекла внимание поради впечатливиот накит. Харпер носела и препознатлива огрлица „Alhambra“ од „Van Cleef & Arpels“, чија вредност се проценува на околу 3.350 евра.
Чизмите биле од брендот „Hunter“, додека парката била дел од колекција на „GAP“ креирана во соработка со нејзината мајка Викторија Бекам.
Харпер во јавноста најчесто се појавува во елегантни комбинации, а особено се познати нејзините сатенски фустани со тенки прерамки. Такви модели носела во различни бои, меѓу кои розова, црна, црвена и темносина.
Иако е уште тинејџерка, Харпер од најмала возраст е присутна во светот на модата. Нејзиниот интерес за модата често се поврзува и со нејзината мајка Викторија, која е успешна дизајнерка.
Појавувањето на фестивалот покажа дека Харпер постепено експериментира со својот изглед и, покрај елегантните комбинации, сè почесто избира и поопуштен и младешки стил.
