Жителите на Ченто наскоро ќе имаат подобри услови за пешачење, откако Општина Гази Баба започна со изградба на нови пешачки и пристапни патеки во населбата.
Активностите се дел од инфраструктурните зафати со кои се уредуваат јавните површини и се олеснува движењето на граѓаните, особено на најмладите и повозрасните жители.
Градоначалникот Бобан Стефковски информира дека по завршените активности во Автокоманда, градежните работи продолжуваат и во други населени места во општината.
Според него, целта е постепено да се создадат уредени и безбедни пешачки коридори низ цела Гази Баба, со што секојдневното движење на граѓаните ќе биде полесно и посигурно.
Од општината најавуваат дека и во наредниот период ќе продолжат инвестициите во инфраструктурата и проекти кои имаат директно влијание врз секојдневниот живот на жителите.
