Патнички авион на авиокомпанијата Wizz Air, кој летал од Лондон кон Софија, бил принуден да ја промени планираната маршрута и да слета во Будимпешта по добиена дојава за поставена бомба.
Информацијата ја објави унгарскиот министер за одбрана Ромулуш Русин-Сенди на својот профил на Фејсбук, наведувајќи дека безбедносните служби реагирале веднаш по добиената закана.
За следење и придружба на патничкиот авион бил испратен унгарски борбен авион од типот „Грипен“. Леталото на Wizz Air безбедно слетало на аеродромот во Будимпешта, каде што требало да бидат преземени соодветни безбедносни проверки.
Засега нема дополнителни информации за потеклото на дојавата, ниту дали при проверката на авионот бил пронајден сомнителен предмет.
