Светската филмска индустрија годинава бележи огромни приходи, а неколку големи наслови успеаја да привлечат милиони гледачи во кината ширум светот. Според податоците на The Numbers, пет филмови досега ја надминале границата од една милијарда долари заработка.
На самиот врв се најде „Spider-Man: Brand New Day“, кој според објавените податоци инкасирал неверојатни 2,454 милијарди долари.
Втората позиција му припаѓа на „Одисеја“, филмот на режисерот Кристофер Нолан, со заработка од 1,695 милијарди долари.
Трет на листата е анимираниот хит „Toy Story 5“, кој досега остварил 1,144 милијарди долари од продажбата на билети.
Над границата од една милијарда се најдоа уште два филма. „Michael“ достигна 1,021 милијарда долари, додека „The Super Mario Galaxy Movie“ заработи околу 1,013 милијарди долари.
Високо на листата е и „The Devil Wears Prada 2“, продолжението на популарната модна комедија, со вкупна кино-заработка од 693 милиони долари.
Меѓу филмовите со значителен успех во кината се и „Project Hail Mary“ со 684 милиони долари, „Pegasus 3“ со 641 милион, „Minions & Monsters“ со 522 милиони, како и „Obsession“, кој досега заработил 514 милиони долари.
Бројките покажуваат дека и во 2026 година големите франшизи, продолженијата и филмовите со познати режисери продолжуваат да бидат силен магнет за публиката ширум светот.
