Новата сезона во НБА се очекува да донесе враќање на повеќе големи имиња кои подолг период беа надвор од терените поради сериозни повреди.
Меѓу најочекуваните камбекови се оние на Демијан Лилард, Тајрис Халибартон, Кајри Ирвинг и Фред ВанВлит. Сите четворица имаа долги паузи и пропуштија значителен дел од минатата сезона, па нивното враќање ќе биде едно од главните прашања пред почетокот на новата кампања.
Лилард треба повторно да го предводи Портланд, додека Халибартон се очекува да биде важен дел од составот на Индијана по рехабилитацијата од тешката повреда на Ахиловата тетива.
Кајри Ирвинг, пак, се подготвува за враќање во дресот на Далас по сериозната повреда на коленото, додека ВанВлит треба повторно да му се приклучи на Хјустон.
Нивното враќање може значително да го промени односот на силите во лигата, особено затоа што станува збор за искусни играчи со големо влијание врз своите екипи.
Љубителите на НБА сега со нетрпение го очекуваат почетокот на сезоната и одговорот на прашањето дали овие ѕвезди ќе успеат веднаш да се вратат на своето препознатливо ниво.
